Yusuf Pathan: యూసఫ్ పఠాన్ విధ్వంసం 14 బంతుల్లోనే 61 రన్స్
టీమిండియా మాజీ ఆల్‌‌రౌండర్ యూసఫ్ పఠాన్ విధ్వంసం సృష్టించాడు. నాలుగు పదుల వయసులోనూ ఆకాశమే హద్దుగా చెలరేగి.. తనలో బ్యాటింగ్ చేసే సత్తా ఇంకా ఉందని చాటిచెప్పాడు.
Dialtelugu Desk
Posted on: July 29, 2023 | 04:28 PM ⚊ Last Updated on: Jul 29, 2023 | 4:28 PM
Yusuf Pathan batted better in the ongoing T10 matches between Joburg Buffaloes and Durban Qlanders under the auspices of the UAE Cricket Board
సిక్స్‌ల వర్షం కురిపిస్తూ 14 బంతుల్లోనే 61 పరుగులు చేశాడు. యూఏఈ క్రికెట్ బోర్డు ఆధ్వర్యంలో జరుగుతున్న టీ10 లీగ్‌లో పఠాన్ ఈ మెరుపు ఇన్నింగ్స్ ఆడాడు. దాంతో జోబర్గ్ బఫ్పాలోస్ జట్టుకు ఊహించని విజయాన్ని అందించాడు. టీ10 లీగ్‌లో భాగంగా శుక్రవారం జోబర్గ్ బఫ్పాలోస్, డర్బన్ ఖలాండర్స్ జట్ల మధ్య క్వాలిఫయర్ 1 మ్యాచ్ జరిగింది. ఈ మ్యాచ్‌లో ముందుగా బ్యాటింగ్ చేసిన డర్బన్ జట్టు నిర్ణీత 10 ఓవర్లలో 4 వికెట్ల నష్టానికి 140 పరుగులు చేసింది. 141 పరుగుల లక్ష్య చేధనలో జోబర్గ్ బఫ్పాలోస్ జట్టు 57 పరుగులకే 4 వికెట్లు కోల్పోయి పీకల్లోతు కష్టాల్లో పడింది.
ఈ సమయంలో జోబర్గ్ టీమ్‌ను యూసఫ్ పఠాన్ ఆదుకున్నాడు. అయితే యూసఫ్ పఠాన్ సిక్స్‌ల వర్షం కురిపిస్తూ 14 బంతుల్లోనే 61 పరుగులు చేశాడు. పాకిస్థాన్ మాజీ పేసర్ మహమ్మద్ అమీర్ బౌలింగ్‌ను యూసఫ్ పఠాన్ ఓ ఆటాడుకున్నాడు. అమీర్ వేసిన 6 బంతులను 6,6,0,6,2,4 బాది.. ఏకంగా 24 పరుగులు పిండుకున్నాడు. ఆ తర్వాతి ఓవర్లోనూ విరుచుకుపడ్డాడు. పఠాన్ సునామీ ఇన్నింగ్స్‌తో జోబర్గ్ బఫ్పాలోస్ జట్టు 9.5 ఓవర్లలో 4 వికెట్లకు 142 పరుగులు చేసి గెలుపొందింది. యూసఫ్ తన ఇన్నింగ్స్‌లో 4 ఫోర్లు, 9 సిక్స్‌లు బాదడం విశేషం. మొత్తంగా 26 బంతుల్లో 80 రన్స్ చేశాడు.
