సినీ ప్రముఖులు, టీడీపీ నేతలు అంతా ఈ వేడుకకు హాజరవుతున్నారు. పక్క ఇండస్ట్రీకి చెందిన రజినీకాంత్‌ను ముఖ్య అతిథిగా ఆహ్వానించారు. కానీ నందమూరి కుటుంబానికి అసలైన వారసుడు జూనియర్‌ ఎన్టీఆర్ పేరు గానీ, ప్రస్తావన గానీ ఎక్కడా లేదు. అసలు జూనియర్‌కు ఆహ్వానమే అందలేదని టాక్‌.
విజయవాడకు చేరుకున్న రజనీకాంత్ కాసేపు విశ్రాంతి తీసుకున్న తర్వాత.. టీడీపీ అధినేత, విపక్ష నేత చంద్రబాబు ఇంటికి వెళ్లారు. అక్కడ ఆయనతో మర్యాదపూర్వకంగా భేటీ అయ్యారు. రజనీకాంత్‌ను చంద్రబాబు నివాసానికి బాలకృష్ణ స్వయంగా తీసుకెళ్లారు.
