తొలి ఇన్నింగ్స్‌లో 4 వికెట్లు పడగొట్టిన యాష్.. రెండో ఇన్నింగ్స్‌లో 5 వికెట్లతో సత్తాచాటాడు. జాక్‌ క్రాలీ, డకెట్‌, పోప్‌ వంటి కీలక వికెట్లు పడగొట్టి ఇంగ్లిష్‌ జట్టును దెబ్బతీశాడు. ఓవరాల్‌గా అశ్విన్ తన వందో టెస్టులో 9 వికెట్లు పడగొట్టాడు.
ఇప్పటికే సిరీస్‌ను 3-1తో కైవసం చేసుకున్న భారత్‌కు ఆఖరి మ్యాచ్‌లో అశ్విన్ మరోసారి మ్యాజిక్ చేసి ఇంకో విజయాన్ని అందిస్తాడా అనేది ఆసక్తికరంగా మారింది. ఈ సిరీస్‌ను టీమ్‌ ఇండియా కైవసం చేసుకోవడంలో అశ్విన్ కీలకపాత్ర పోషించాడు.
టీమిండియా ఆఫ్‌ స్పిన్నర్ రవిచంద్రన్‌ అశ్విన్, ఇంగ్లండ్‌ క్రికెటర్‌ జానీ బెయిర్‌స్టోకు ఈ మ్యాచ్ వారి కెరీర్‌లో వందో టెస్ట్‌. 147 ఏళ్ల టెస్ట్‌ క్రికెట్‌ చరిత్రలో ఒకే మ్యాచ్‌తో వేర్వేరు జట్లకు చెందిన ఇద్దరు ఆటగాళ్లు 100 టెస్ట్‌ల మార్కును అందుకోవడం ఇది మూడోసారి మాత్రమే.
