చేసిన ప్రతీ పనికి ఫలితం దక్కుతుందని కర్మ సిద్ధాంతం చెప్తుంది. ఈ మాట ప్రతీ రంగానికి వర్తిస్తుంది.. చివరకు రాజకీయాలకు కూడా ! చేసిన ప్రతీ పనికి ఫలితం ఏదో ఒకరూపంలో కనిపిస్తూనే ఉంటుంది. మంచి చేస్తే మంచి.. ముంచే పనులు చూస్తే ముప్పు. ఇప్పుడిదంతా ఎందుకు అంటే.. ఒక పార్టీ నుంచి గెలిచి.. అధికార పార్టీలోకి జంప్ చేసి.. తమ దశ తిరిగిపోయింది. ఇక తమకు తిరుగేలేదు అనుకునే వారికి.. తెలంగాణ ఎన్నికల ఫలితాలు.. అసలైన దారి చూపించాయ్. ఐదేళ్లు జనాలు మౌనంగా ఉండొచ్చు.. తమదైన రోజు ఎలాంటి ప్రభావం చూపిస్తారో చెప్పకనే చెప్పారు.
