దాదాపు 100 రోజులకు పైగా జరిగిన బిగ్‌బాస్‌లో ఒక సామాన్యుడు, రైతుబిడ్డ ఐన పల్లవి ప్రశాంత్ విన్‌ అయ్యాడు. సెలబ్రెటీలను కూడా పక్కకు జరిపి.. బిగ్‌బాస్‌ టటిల్ గెలుచుకున్నాడు. నేను మీలో ఒకన్ని అంటూ ప్రశాంత్ చెప్పిన మాటలకు ప్రతీ ఒక్కరూ కనెక్ట్‌ అయ్యారు. గుడ్‌ బాగుంది. కానీ.. ప్రశాంత్ గెలిచిన తరువాత అతని ఫ్యాన్స్‌ చేసిన ఓవరాక్షనే ఇప్పుడు సీన్‌ మొత్తం రివర్స్‌ చేసింది.
బిగ్ బాస్ సీజన్ 7 విజేత పల్లవి ప్రశాంత్ పరారీలో ఉన్నట్లు.. పట్టుకునేందుకు పోలీసులు మూడు బృందాలుగా ఏర్పడి గాలింపు చర్యలు చేపట్టారు. ఇప్పటికే అతడి అనుచరులను, డ్రైవర్ సాయి కిరణ్‌ను పోలీసులు అదుపులోకి తీసుకున్నారు. అభిమానుల ఫోన్ డేటాను కూడా పోలీసులు సేకరించారు. గజ్వేల్ లోని కొలుగురు గ్రామానికి చెందిన రైతు బిడ్డ పల్లవి ప్రశాంత్.
