ఎన్టీఆర్ కూడా వెళ్లాల్సి వున్నా.. తారకరత్న చనిపోవడంతో క్యాన్సిల్ చేసుకుని.. ఆస్కార్ వేడుకకు ఐదారు రోజుల ముందు వెళ్లాడు. హైదరాబాద్‌ ఎయిర్‌పోర్ట్‌ లో దిగిన ఎన్టీఆర్ .. ఆస్కార్ వేడుకలో పాల్గొనడం ఎంతో సంతోషంగా వుందని... కీరవాణి, చంద్రబోస్ అవార్డు తీసుకున్న క్షణాలను ఎప్పటికీ మరిచిపోనన్నాడు.
పుష్పతో పాన్‌ ఇండియా సంపాదించుకున్న అల్లు అర్జున్‌.. పుష్ప2తో ఆస్కార్‌కు వెళ్లాలని ఇప్పటి నుంచే ప్లాన్‌ చేస్తున్నారట. పుష్పతో ఆస్కార్ కి వెళ్లకుండా తప్పుచేశామని.. పుష్ప2తో ట్రై చేసి.. ఏదో ఒక విభాగంలో ఆస్కార్‌కు నామినేట్‌ కావాల్సిందేనన్న ఆలోచనలో వున్నారని తెలిసింది.
బాహుబలితో రాజమౌళీకి పాన్‌ ఇండియా ఇమేజ్‌ వచ్చేసింది. ఆర్‌ఆర్‌ఆర్‌ హాలీవుడ్‌ ఇమేజ్‌తోపాటు ఆస్కార్ తీసుకొచ్చింది. ఆస్కార్ టేస్ట్ ఎలా వుంటుందో చూసేశాడు. ఇలా నిన్నొదల బొమ్మాళీ అంటూ... ఆస్కార్‌ను వదిలిపెట్టడు. దాని అంతు చూసే ఏదో ఒక విభాగంలో ఆస్కార్ కొట్టేవరకు నిద్రపోడు.
వరుసగా సినిమాలు ఫ్లాపైన సమయంలో... ఎన్టీఆర్ పడిన ఆవేదన అంతా ఇంతా కాదు. ఫ్యాన్స్ మెచ్చే సినిమా తీయాలని.. తన సినిమా చూసి అభిమానులు కాలర్‌ ఎగరేసుకోవాలని ఎన్టీఆర్ భావిస్తాడు. ఆ గుణమే ఆయనను గ్లోబల్‌స్టార్‌గా నిలిపింది.
