ఒక్కడు.. ఒకే ఒక్కడు.. ఒక్కడి కోసం పంజాబ్ పోలీసులు నిద్రాహారాలు మానేసి తిరుగుతున్నారు.. రాష్ట్రాన్ని జల్లెడ పడుతున్నారు.. ఇల్లిల్లూ వెదుకుతున్నారు. ఏడాది క్రితం వరకు అనామకుడు. నేడు రాష్ట్రాన్నే మునివేళ్లపై నిలబెట్టేలా చేశాడు. ఇంతకీ ఏంటి ఇతడి చరిత్ర.? సర్కార్‌కు సవాల్‌ విసిరే స్థాయికి ఎలా ఎదిగాడు.
పంజాబ్ మళ్లీ టెన్షన్ పడుతోంది. అంతం అయింది అనుకున్న ఖలిస్థాన్‌ నినాదం.. మళ్లీ రీసౌండ్ ఇస్తోంది. దీనంతటికి కారణంగా అమృత్పాల్ సింగ్ అలియాస్ భింద్రన్‌వాలా టూ పాయింట్‌ ఓ. రెండు రోజుల నుంచి ఇంటర్నెట్‌ మొత్తం అమృత్పాల్ పేరుతో మార్మోగిపోతోంది. చిక్కినట్లే చిక్కి పారిపోయిన అమృత్పాల్ కోసం పంజాబ్ పోలీసులు తీవ్రంగా గాలిస్తున్నారు. దీంతో రాష్ట్రం అంతా టెన్షన్ వాతావరణం కనిపిస్తోంది.
