నెల్లూరు రాజకీయాలు ప్రధానంగా మాజీ మంత్రి అనిల్ కుమార్ యాదవ్ చుట్టూనే తిరుగుతున్నాయి. వైసీపీ నుంచి నెల్లూరు సిటీ ఎమ్మెల్యేగా ఉన్న అనిల్ కుమార్‌పై అదే పార్టీలోని ఒకవర్గం తిరుగుబాటు చేసింది. ఇక టీడీపీ నుంచి పోటీ ఎదురవుతోంది. దీంతో రాజకీయంగా తన ఉనికి చాటుకునేందుకు అనిల్ ప్రయత్నాలు ప్రారంభించారు.
వైసీపీ నుంచి సస్పెన్షన్‌కు గురైన మాజీ మంత్రి, ఎమ్మెల్యే ఆనం రాంనారాయణ రెడ్డి, నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి, ఉదయగిరి ఎమ్మెల్యే మేకపాటి చంద్రశేఖర్ రెడ్డి టీడీపీలో చేరబోతున్నట్లు ప్రచారం జరుగుతోంది.
ఇప్పుడు కాలం మారుతున్నట్లే కనిపిస్తోంది. ఒకప్పుడు జగన్ మాటే వేదంగా బతికిన నేతలు ఇప్పుడు ఆయనను లెక్కచేయడం లేదు. కొందరు జగన్కు ఎదురెళ్తున్నారు. పార్టీ పదవులకు రాజీనామా చేస్తున్నారు. ఎన్నికలు దగ్గరపడుతున్న వేళ ఈ పరిణామాలు వైసీపీ బలహీనతలను తెలియజేస్తున్నాయి.
