నెట్‌ఫ్లిక్స్‌లో మీరు చూస్తున్న వెబ్ సిరీస్ ఆగిపోవచ్చు.. అమెజాన్ ప్రైమ్‌లో రిలీజ్ కావాల్సిన కొత్త సినిమాకు బ్రేక్ పడొచ్చు.. HBOలో యాక్షన్ మూవీ సిరీస్ ప్రసారం కాకపోవచ్చు.. ఎంటర్‌టైన్‌మెంట్ మొత్తం ఆగిపోవచ్చు. ఎందుకంటే హాలీవుడ్‌లో సమ్మె సైరన్ మోగింది. తమ డిమాండ్లు పరిష్కారం కాకపోవడంతో రైటర్స్ గిల్డ్ ఆఫ్ అమెరికా సమ్మెకు వెళ్తున్నట్టు ప్రకటించింది. ఈ యూనియన్ పరిధిలో ఉన్న 11500 మంది స్క్రీన్ రైటర్స్ విధులు బహిష్కరించారు. దీంతో సినిమా, టీవీ షోలు, వెబ్ సిరీస్‌లకు సంబంధించిన స్క్రిప్టింగ్ వర్క్ మొత్తం నిలిచిపోయింది.
