భూమి గుండ్రంగా తిరుగుతుంది. ఆ భూమితో పాటూ కాలం కూడా గిర్రున పరిగెడుతుంది. ఇది నిజమే ఎందుకంటే ఒకప్పుడు ప్రేమించి పెళ్లి చేసుకున్నందుకు భర్తను చంపి తన పరువును కాపాడుకోవాలనుకున్నారు ఒకరు. చివరికి ఆ పరువుతోపాటూ ప్రాణం పోగొట్టుకున్నారు. ఇది నాటి ప్రీతీ కేసులో తండ్రికి జరిగినది. ఇది ప్రారంభంలోని మాట. ఇక కొంత కాలం వేచి చూస్తే ప్రేమించకపోతే రోడ్డుపై నరుకుతాడు ఒకడు. ప్రేమిస్తే చంపి డ్రైనేజ్ లో పడేస్తాడు ఇంకొకడు. అదంతా మన్నటి వరకూ జరిగిన దారుణాలు. అయితే తాజాగా కూతురు పెళ్లి చేసుకుందని బ్రతికుండగానే దహన సంస్కారాలు చేశాడు ఒక తండ్రి. తిరిగి తిరిగి కాలం పేరెంట్స్ పరువు వద్దకే వస్తుంది. ఇలా వచ్చే క్రమంలో కొంత మార్పు చెందింది. ఒకప్పుడు కట్టుకున్న వాడిని కడచేరిస్తే.. ఇప్పుడు కన్న కూతురినే కాటికి పంపాడు.
