ప్రపంచ అథ్లెటిక్స్ లో బంగారు కాంతులతో మెరిసిన తెలుగు తేజమే జ్యోతి యారాజీ. 100 మీటర్ల హర్డిల్స్ లో తనదైన ఆటతీరును ప్రదర్శించి క్రీడాస్పూర్తిని రగిలించారు. ఈమె కుటుంబ నేపథ్యం ఒక్కసారి చూస్తే కళ్లు చెమ్మగిల్లకమానవు. శ్రీశ్రీ మహాప్రస్థానంలో పోతేపోని సతుల్, సుతుల్, హితుల్ పోనీ. వస్తే రానీ.. కష్టాల్, నష్టాల్, కోపాల్, తాపల్, శాపాల్ అన్నట్లు. ఎవరేమనుకున్నా నా ధ్యేయం నాది.. నా ఆట నాది అన్నట్లు ఆడి గెలిచి విజయతీరాన్ని చేరారు వైజాగ్ యువతి.
