యాషెస్‌ సిరీస్‌ రెండో టెస్టులో ఆస్ట్రేలియానే విజయం సాధించింది. దీంతో ఐదు టెస్టుల సిరీస్‌లో 2-0 ఆధిక్యంలోకి దూసుకెళ్లింది. అయితే.. ఈ టెస్టు ఐదో రోజు ఆటలో ఇంగ్లాండ్‌ బ్యాటర్‌ బెయిర్‌ స్టో ఔటైన విధానం వివాదానికి దారితీసింది. దీంతో ఆసీస్‌ క్రీడా స్ఫూర్తికి విరుద్ధంగా ప్రవర్తించిందంటూ పలువురు మండిపడుతున్నారు.
మేము ప్రతిసారీ ఇలానే ఆడుతాం.. ఇలానే గెలుస్తామంటే కుదరదు. పసికూనపై, సొంతగడ్డలపై, బ్యాటింగ్‌ పిచ్‌లపై అటాకింగ్‌ బ్యాటింగ్‌ అప్రోచ్‌తో విజయాలు సాధించినంత మాత్రాన.. ఆస్ట్రేలియాపై కూడా అలానే విక్టరీ కొడతామని అత్యాశకు పోతే ఎలా..?
