ఉమ్మడి మెదక్ జిల్లాలో బీఆర్‌ఎస్‌కి లోక్ సభ ఎన్నికలకి ముందు భారీ షాక్ తగిలింది. అది ఊహించిన పరిణామమే అయినా... ముందు జాగ్రత్త లేకపోవడంతో పార్టీ మాత్రం డైలమాలో పడిందట.
జహీరాబాద్ లోక్సభ స్థానాన్ని లైట్ తీసుకున్నట్టు ఊహాగానాలు పెరుగుతున్నాయి. పైగా ఈ సారి జహీరాబాద్ లోక్సభ స్థానం నుంచి పోటీ చేయడానికి నాయకులు పెద్దగా ఆసక్తి చూపడంలేదట. సిట్టింగ్ ఎంపీగా ఉన్న బీబీ పాటిల్ కూడా కారు దిగుతారన్న వార్తలు జోరుగా వస్తున్నాయి.
మరోసారి ఆయనకే అవకాశం ఇస్తే ఆశలు వదులుకోవడమేనని అధిష్టానానికి చెబుతున్నారు. కామారెడ్డి, జుక్కల్, బాన్సువాడ అసెంబ్లీ సెగ్మెంట్స్‌కు చెందిన ముఖ్య నేతలు బీబీ పాటిల్‌కు టికెట్టు ఇవ్వొద్దని పార్టీ పెద్దలకు నేరుగానే చెప్పేస్తున్నట్టు తెలిసింది.
