ఇటీవల దేశంలో ఐదు రాష్ట్రాల అసెంబ్లీ ఎన్నికల్లో బీజేపీ మూడు రాష్ట్రాలో కాషాయం జెండా ఎగరవేసింది. మధ్యప్రదేశ్, రాజస్థాన్, చత్తీస్ గఢ్ రాష్ట్రాల్లో విజయభేరి మోగించింది. ఈ క్రమంలో ఆయా రాష్ట్రాలకు సీఎంలను ప్రకటిస్తోంది. మధ్యప్రదేశ్ కు మోహన్ యాదవ్ ను ముఖ్యమంత్రిగా ప్రకటించిన బీజేపీ హైకమాండ్.. నేడు రాజస్థాన్ సీఎంగా భజన్ లాల్ శర్మ ప్రమాణ స్వీకారం చేయనున్నారు.
రాజస్థాన్ నూతన ముఖ్యమంత్రిగా భజన్ లాల్ శర్మను ఎంపిక చేసింది బీజేపీ అధిష్టానం. రాజవంశానికి చెందిన దియా కుమారి, ప్రేమ్ చంద్ భైర్వాను ఉప ముఖ్యమంత్రులుగా ఎంపిక చేసింది. ముఖ్యమంత్రి పీఠం అధిష్టించబోతున్న భజన్ లాల్ తొలిసారి ఎన్నికైన ఎమ్మెల్యే కావడం విశేషం.
