BRS మళ్ళీ TRSగా మార్చే అవకాశాలు కనిపిస్తున్నాయి. తెలంగాణ రాష్ట్ర సమితిని (Telangana Rashtra Samiti) భారత రాష్ట్ర సమితిగా (Bharat Rashtra Samiti) మార్చాకే తెలంగాణలో అస్తిత్వం కోల్పోయామని పార్టీ కేడర్ ఆందోళన చెందుతోంది.
ప్రత్యేక తెలంగాణ ఉద్యమం కోసం ఏర్పడిన తెలంగాణ రాష్ట్ర సమితి.. ఆ తర్వాత రాజకీయ పార్టీగా మారింది. తెలంగాణ వచ్చాక పదేళ్ళు పాలించింది. ఇక తమకు తిరుగులేదు అనుకున్న ఆ పార్టీ చీఫ్ కేసీఆర్.. టీఆర్ఎస్ ను భారత రాష్ట్ర సమితిగా మార్చేశారు. ఉన్నట్టుండి మోడీ మీద అంతెత్తున ఎగిరిపడుతూ.. బీఆర్ఎస్ పార్టీగా దేశంలోని అన్ని రాష్ట్రాల్లో పోటీ చేసి.. ఢిల్లీలో చక్రం తిప్పాలనుకున్నారు. కానీ పాపం కథ అడ్డం తిరిగింది.
