బీఆర్ఎస్ మరో కీలక నేత పార్టీని వీడారు. తాజాగా ఆ పార్టీకి చెందిన ముఖ్య నేత, మాజీ ఎమ్మెల్యే భేతి సుభాష్ రెడ్డి సైతం పార్టీకి రాజీనామ చేశారు. ఈ మేరకు రాజీనామా లేఖను విడుదల చేశారు.
ఎన్నికలు దగ్గర పడుతున్నకొద్దీ పార్టీ మారే వాళ్ల సంఖ్య పెరుగుతోది. సొంత పార్టీలో టికెట్‌ రాని నేతలంతా పక్క చూపులు చూస్తున్నారు. గెలుపు అవకాశాలను వెతుక్కుంటూ పార్టీలు మారుతున్నారు. ఈ క్రమంలో బీఆర్ఎస్ పార్టీ ఉప్పల్ సిట్టింగ్‌ ఎమ్మెల్యే భేతి సుభాష్ రెడ్డి పార్టీ మారుతున్నట్టు ప్రకటించారు.త్వరలోనే బీజేపీలో చేరబోతున్నట్లు చెప్పారు.
