ముంచుకొస్తున్న బిపోర్ జోయ్.
అరేబియా సముద్రం నుంచి ముంచుకొస్తున్న బిపోర్జాయ్ తుఫాన్ ముప్పు పొంచి ఉండడంతో.. గుజరాత్ తీరంలో అధికారులు సహాయక చర్యలు చేపట్టారు. ఇందులో భాగంగానే ద్వారక తీరంలో ఓ ఆయిల్‌ రిగ్‌లో పనిచేస్తున్న 50మంది సిబ్బందిని కోస్ట్గార్డ్ కాపాడి సురక్షిత ప్రాంతానికి తరలించింది.
బిపర్ జోయ్ తుఫానుతో పెను ముప్పు తప్పదు అని అధికారులు అంచనా వేస్తున్నారు.
బిపర్ జోయ్ తుఫాన్ దాటికి సముద్రం అల్లకల్లోలంగా మారింది. దాదాపు కొన్ని వందల మీటర్లమేర సముద్రం ముందుకు చొచ్చుకొని వచ్చింది. అప్రమత్తమైన అధికారులు లోతట్టు ప్రాంతాల వారిని పునరావాస కేంద్రాలకు తరలించారు. గుజరాత్ లో తుఫాన్ ప్రభావిత ప్రాంతంలోని పరిస్థితిని ప్రధాని స్వయంగా పర్యవేక్షిస్తున్నారు. ఎలాంటి అవాంఛనీయమైన సంఘటనలు జరగకుండా ఎన్డీఆర్ఎఫ్ బలగాలను ఏర్పాటు చేశారు.
గురువారం మధ్యాహ్నం గుజరాత్, కచ్ జిల్లా, జఖౌ వద్ద తీరాన్ని తాకుతుంది. బిపర్‌జాయ్ భారీ విధ్వంసం సృష్టించే అవకాశం ఉండటంతో అధికారయంత్రాంగం అప్రమత్తమైంది. ముందు జాగ్రత్త చర్యలు తీసుకుంటోంది. దాదాపు పది వేల మందిని సురక్షిత ప్రాంతాలకు తరలించారు.
