ఐపీఎల్‌ 2024 సీజన్‌లో చెన్నై సూపర్ కింగ్స్‌ ను ఎంఎస్ ధోని నడిపించడం ఖాయంగానే కనిపిస్తోంది. అయితే, ధోనీ నాయకత్వ పగ్గాలను వేరే ఆటగాడికి అప్పగిస్తారనే ప్రచారం సాగుతోంది. ఈ క్రమంలో మంగళవారం ఐపీఎల్‌ వేలం అనంతరం నిర్వహించిన విలేకర్ల సమావేశంలో సీఎస్‌కే కోచ్‌ స్టీఫెన్ ఫ్లెమింగ్‌ ఆసక్తికర వ్యాఖ్యలు చేశాడు. గత పదేళ్లుగా ధోనీ కెప్టెన్సీ వారసుడి కోసం వేట కొనసాగుతోందని.. అయితే, ‘కెప్టెన్‌ కూల్‌’ మాత్రం ప్రతి ఏడాది అత్యుత్తమంగా జట్టును నడిపిస్తున్నాడని ఫ్లెమింగ్‌ వ్యాఖ్యానించాడు.
