2021లో టి20 ప్రపంచకప్ జరగ్గా.. 2022లో ఆస్ట్రేలియా వేదికగా మరోసారి టి20 మహా సంగ్రామం జరిగింది. ఇక ఈ ఏడాది భారత్ వేదికగా వన్డే ప్రపంచకప్ జరగనుంది. అలాగే వచ్చే ఏడాది టి20 ప్రపంచకప్ కూడా జరగనుంది. 2021 నుంచి ప్రపంచకప్ ఈవెంట్స్ అక్టోబర్, నవంబర్ నెలల్లో జరుగుతూ వస్తున్నాయి. అయితే 2024లో జరిగే టి20 ప్రపంచకప్ మాత్రం అక్టోబర్ నెలలో కాకుండా జూన్ లో జరిగే అవకాశం ఉన్నట్లు ప్రముఖ స్పోర్ట్స్ వెబ్ సైట్ క్రిక్ ఇన్ఫో తన నివేదికలో పేర్కొంది.
