ఈ ఎన్నికలలో రామ్మోహన్ రెడ్డి మక్తల్ నుంచి బీఆర్ఎస్ తరఫున పోటీ చేయగా పర్ణిక రెడ్డి నారాయణపేటలో కాంగ్రెస్ నుంచి పోటీ చేశారు. అయితే.. రామ్మోహన్ రెడ్డి ఓటమి పాలవగా పర్ణిక విజయం సాధించారు. ఇక్క‌డ ఇంకో ఆస‌క్తిక‌ర‌మైన విష‌యం ఏమిటంటే.. సీనియర్ నేత, మాజీ మంత్రి డీకే అరుణ పర్ణిక రెడ్డికి మేన‌త్త అవుతారు.
ఈ ఎన్నికల్లో కాంగ్రెస్ తరపున యువ నేతలు జయకేతనం ఎగుర వేశారు. రాజకీయాల్లో మహామహులైన వారిని మట్టి కరిపించారు. రాజకీయాలతో ప్రత్యక్ష సంబంధం లేకపోయినా మొదటి ఎన్నికల్లోనే సత్తా చాటారు. తెలంగాణ అసెంబ్లీ ఎన్నికలు.. కొందరు సీనియర్ నేతలకు షాకిచ్చాయి.
