ఏపీ రాజకీయాలు రోజుకోరకంగా కీలక మలుపు తిరుగుతున్నాయి. మన్నటి వరకూ జగన్ ముందస్తు ఎన్నికలకు వెళ్లే ఆలోచన లేదు అని ఎమ్మెల్యే మీటింగ్లో చెప్తూ వచ్చారు. అయితే నిన్న జరిగిన తాజా పరిణామాలు గతంలో చేసిన మాటలను నీరుగార్చేలా ఊహాగానాలు జోరందుకున్నాయి. దీనికి తోడూ ఉన్నపళంగా సీఎం జగన్ ఢిల్లీ పర్యటన ఈ వార్తలకు ఆజ్యంపోశాయి.
ముందస్తు ఎన్నికలపై ఏపీలో జరుగుతున్న చర్చ అంతా ఇంతా కాదు. ఈ మధ్య జగన్ ఢిల్లీ పర్యటన చుట్టూ వినిపించిన చర్చ అంతా ఇంతా కాదు. ఆయన హస్తినలో ఉండగానే.. ఇక్కడ కేబినెట్ మీటింగ్ ప్రకటన రావడంతో.. ముందస్తు ఖాయం అని.. కేబినెట్ భేటీ తర్వాత క్లారిటీ ఇస్తారని అనుకున్నారు అంతా ! కేంద్ర పెద్దలతో ఢిల్లీలో రహస్యంగా భేటీ అయిన జగన్.. ముందస్తుకు సంబంధించి గ్రీన్‌సిగ్నల్ కూడా తెచ్చుకున్నారని వినిపించిన గుసగుసలు అన్నీ ఇన్నీ కావు.
