టీఆర్ఎస్‌ను బీఆర్ఎస్‌గా మార్చిన కేసీఆర్.. ఢిల్లీలో బీజేపీని గద్దెదించి తీరాలనే పట్టుదలతో ఉన్నారు. కలిసి ఉన్నది ఎవరు.. కలిసి వచ్చేది ఎవరు అన్న లెక్కలు పక్కనపెడితే.. కేసీఆర్ స్ట్రాటజీ ఏంటో ఇప్పటికీ కన్ఫ్యూజింగ్‌గానే ఉంది చాలామందికి ! జాతీయ స్థాయిలో బీజేపీ వ్యతిరేక పార్టీల మద్దతు కూడగట్టి.. ఢిల్లీపై దండయాత్ర చేసి కమలం పార్టీని దెబ్బతీయాలన్నది కేసీఆర్ వ్యూహం.
నేను గెలుస్తాను అని చెప్తే ఎవరూ వినరు.. గెలిచాక చెప్తే ఎవరైనా వింటారు. కాంగ్రెస్‌కు పక్కాగా సరిపోయే మాట ఇది. కర్ణాటక ఎన్నికల ఫలితాలు దేశ రాజకీయాలను మలుపు తిప్పే అవకాశాలు క్లియర్‌గా కనిపిస్తున్నాయ్. కాంగ్రెస్ పేరు చెప్తే ఇన్నాళ్లు దూరం జరిగిన పార్టీలు.. ఇప్పుడు దగ్గరయ్యేందుకు ప్రయత్నాలు చేస్తున్నాయ్. హస్తం పార్టీ పని అయిపోయింది. మూడో కూటమి రావాల్సిన అవసరం ఉందని రాగం అందుకున్న నేతలు.. ఇప్పుడు కాంగ్రెస్‌కు జై అంటున్నారు. మద్దతు ప్రకటిస్తున్నారు.
