ప్రస్తుత కాలంలో సూసైడ్ అనేది ఒక అలవాటుగా మారిపోయింది. పరీక్షల్లో మార్కులు తక్కువ వస్తే చాలు ఆత్మహత్యే దిక్కు అన్నట్లు రూంలో వెళ్లి తలుపులు బిగించి ఫ్యాన్ కి ఉరివేసుకొని చనిపోతుంటారు. మరి కొందరైతే ఫలితాలు రాకముందే ఎక్కడ ఫెయిల్ అవుతామో అన్న భయంతో సూసైడ్ చేసుకుంటూ ఉంటారు. ఇలాంటి సంఘటనలు మన తెలుగు రాష్ట్రాల్లోనే కాదు దేశవ్యాప్తంగా ఎక్కడో ఒక చోట జరుగుతూనే ఉంటాయి. ఇలాంటి వాటికి తెరదించేందుకు సరికొత్త విధానానికి శ్రీకారం చుట్టారు.
బతికుంటే బలుసాకు తినొచ్చని పెద్దలు చెబుతారు. ఐఐటీలు, ఐఐఎంలు, పెద్ద పెద్ద ప్యాకేజీల భ్రమల్లో బతుకుతూ విలువైన విద్యార్థి జీవితంలో తీవ్రమైన ఒత్తిడిని ఎదుర్కోవడం కంటే.. పిల్లల శక్తిసామర్థ్యాలు ఎందులో ఉన్నాయో తెలుసుకుని ఆ దిశగా వాళ్లను ప్రోత్సహించడం ఉత్తమం.
