మీకొక కథ చెబుతాం. ఆ కథలో ఓ పెద్ద రాజ్యం.. దానికి ఓ రాజు ఉన్నారు. ఇతర రాజ్యాల మీద దండయాత్రలు చేసి శతాబ్దాల పాటు ఈ పెద్ద రాజ్యం సుభిక్షంగానే ఉంది. కాలంతో పాటు పరిస్థితులు మారిపోయాయి. పెద్ద రాజ్యానికి కూడా కష్టాలు మొదలయ్యాయి. ఒకప్పుడు బాగా బతికిన ప్రజలు ఇప్పుడు తినడానికి తిండి లేక ఇబ్బంది పడుతున్నారు. ఉపాధి అవకాశాలు లేక చాలా మంది దుర్భర జీవితాన్ని అనుభవిస్తున్నారు. ఇంత జరుగుతున్నా ఆ రాజు గారిలో మాత్రం చలనం లేదు. రాజుగా ప్రజల కష్టాలను తీర్చకపోగా ప్రజలు కట్టే పన్నులతో విలాసాల్లో మునిగితేలుతున్నారు. దేశం క్లిష్టపరిస్థితుల్లో ఉంటే రాజు గారు మాత్రం తన పట్టాభిషేకం కోసం జనం సొమ్ముతో కులుకుతున్నారు.
