రోజుకు 3కోట్ల రూపాయలు... గత 8 నెలల్లో 707 కోట్ల రూపాయలను కొట్టేశారు సైబర్ మాయగాళ్ళు. తెలంగాణ జనం దగ్గర అందినంత దోచుకున్నారు. 2023లో మొత్తం 16 వేలకు పైగా సైబర్ నేరాలు జరిగితే... ఇందులో 15 వేల దాకా ఆర్థిక మోసాలే ఉన్నాయి. రోజుకో ప్లాన్ తో చదువుకున్నవారు... చదువులేని వాళ్ళని.... అందర్నీ నిలువునా ముంచేశారు కేటుగాళ్ళు.
ఒకటి రెండు గంటలు పార్ట్ టైమ్ జాబ్ చేయండి.. ఈజీగా మనీ సంపాదించవచ్చని టెంప్ట్ చేస్తున్నారు. దీంతో చాలా మంది వాళ్ల మాయలో పడిపోయి వాళ్లు చెప్పినట్టు చేస్తున్నారు. మొదట్లో వాళ్లు పంపిన లింక్స్ ను క్లిక్ చేయమనో, షేర్ చేయమనో చెప్తారు. అలా చేస్తే మన అకౌంట్లో నగదు జమ చేస్తారు. దీంతో చాలా మంది ఆశపడి అందులో కంటిన్యూ అవుతున్నారు. ఆ తర్వాతే మొదలవుతుంది అసలు కథ.
