ఒడిశా రైలు ప్రమాదం వందల కుటుంబాల్లో విషాదాన్ని నింపింది. ఎంతో మంది కలలను క్షణాల్లో మాయం చేసింది. భయంతో ఆర్తనాదాలు పెట్టిన ప్రాణాలెన్నో.. ఇనుప పెట్టెల కింద నుజ్జునుజ్జైన శరీరాలెన్నో! ప్రతీ ఒక్కరి మనసు కలిచివేసిన ఈ ఘటనలో హృదయాన్ని రంపపు కోతకు గురి చేసే దృశ్యం కనిపించింది. ప్రేమించిన వ్యక్తిని ఊహించుకుంటూ ఒకరు రాసిన ప్రేమ కావ్యాలు రైలు పట్టాలపై కనిపించాయి.
