గత రెండు రోజులుగా హైదరాబాద్ లో వర్షాలు దంచి కొడుతున్నాయి. దీంతో పనికి వెళ్లి వచ్చేవారికి తీవ్ర అసౌకర్యం ఏర్పడింది. కొన్ని ప్రాంతాల్లో నీరు నిలిచిపోయింది. భీకరమైన గాలికి విద్యుత్ తీగలు షాట్ సర్క్యూట్ జరిగి కొన్ని ప్రాంతాల్లో విద్యుత్ కు అంతరాయం కలిగింది. రోడ్లపై తీవ్ర ట్రాఫిక్ ఏర్పడింది. పంజగుట్ట, అమీర్ పేట్, అంబర్ పేట్, ఎల్బీనగర్, హిమాయత్ నగర్, నారాయణగూడ, కాచిగూడ, ఖైరతాబాద్ పలు ప్రాంతాల్లో వర్షం ప్రభావానికి డ్రైనేజి పొంగి రోడ్లపైకి మురుగు నీరు వచ్చి చేరుకుంది.
