తెలంగాణ ముఖ్యమంత్రి రేవంత్ రెడ్డి ఇక జిల్లాల టూర్ కి వెళ్ళాలని నిర్ణయించారు. పాలనా యంత్రాంగాన్ని పటిష్టం చేసేందుకు కొత్త ఏడాది జనవరిలో జిల్లాలకు వెళతారు. 100 రోజుల్లోనే ఆరు గ్యారంటీలను అమలు చేస్తామని కాంగ్రెస్ హామీ ఇచ్చింది. లోక్ సభ ఎన్నికల లోపే వాటిని అమలు చేయాలని రేవంత్ ఆలోచిస్తున్నారు. అందుకే తమ ప్రభుత్వ ప్రాధాన్యతలను అధికారులకు వివరించేందుకు జిల్లాల పర్యటనకు షెడ్యూల్ రెడీ అవుతోంది.
