ఆంధ్రప్రదేశ్‌లో అత్యంత రాజకీయ ఆసక్తిని రేపుతున్ననియోజకవర్గం గన్నవరం. చాలాకాలంగా ఇక్కడ రాజకీయ చదరంగం నడుస్తోంది. అదికూడా అధికారపక్షంలోనే.. ఎత్తులు పైఎత్తుల మధ్య రాజకీయం రోజురోజుకు రగులుతోంది. పరిస్థితి చూస్తుంటే అధికార వైసీపీ ఈ సీటుపై ఆశలు కోవాల్సినట్లే కనిపిస్తోంది.
కృష్ణా జిల్లా గన్నవరంలో టిక్కెట్ల పంచాయితీ మొదలైంది. ప్రస్తుతం ఇక్కడి నుంచి వల్లభనేని వంశీ మోహన్ ఎమ్మెల్యేగా కొనసాగుతున్నారు. గన్నవరం వైసీపీ ఇంఛార్జిగా ఉన్న యార్లగడ్డ వెంకట్రావు.. వంశీ రాకను తీవ్రంగా వ్యతిరేకిస్తున్నారు.
