మొన్నటివరకు తెలంగాణలో రాబోయేది తమ పార్టీయే అని గొప్పలు చెప్పుకొన్న బీజేపీ ఉన్నట్లుండి సైలెన్స్ అయిపోయింది. కిషన్ రెడ్డి అధ్యక్షుడైన తర్వాత నుంచే పార్టీలో ఈ పరిస్థితి తలెత్తిందని సొంత పార్టీ నేతలే వ్యాఖ్యానిస్తున్నారు.
సక్సెస్ ఫుల్ మీడియా అధిపతిగా, వ్యాపారవేత్తగా.. అంతకుమించి సోనియాగాంధీ స్థాయి వారితో చనువు కలిగిన సీనియర్ పొలిటీషియన్ గా వివేక్ వెంకటస్వామికి తెలుగు రాష్ట్రాల్లో మంచి పేరుంది. మాజీ కేంద్రమంత్రి గడ్డం వెంకటస్వామి కుమారుడు కావడం అతిపెద్ద ప్లస్ పాయింట్. ఉమ్మడి కరీంనగర్, ఉమ్మడి ఆదిలాబాద్ జిల్లాల రాజకీయాలపై వివేక్ కు పట్టు కూడా ఉంది. అందుకే ఆయన వస్తానంటే.. ఏ పార్టీ అయినా వెంటనే రెడ్ కార్పెట్ పరుస్తుంటుంది.
