నగదు డబ్బుతో బంగారం కొనాలంటే కొన్ని పరిమితులు ఉన్నాయి. గరిష్టంగా రూ.2 లక్షల వరకు మాత్రమే నగదుతో చెల్లింపులు చేయొచ్చు. రూ.2 లక్షల వరకు క్యాష్ ఇచ్చి బంగారం కొనొచ్చు. దీంతో చాలా మంది తమ దగ్గరున్న రెండు వేల రూపాయల నోట్లను చెల్లించి, రెండు లక్షల వరకు విలువైన బంగారం కొంటున్నారు.
చాలా మంది తమ దగ్గరున్న నోట్లను మార్చుకునేందుకు బ్యాంకులకు క్యూ కడుతున్నారు. అర్జెంటుగా నోట్లు మార్చుకోకపోతే ఇబ్బందుల్లో పడతామేమో అని కంగారు పడుతున్నారు. నిజానికి అంత కంగారు అవసరం లేదంటున్నారు ఆర్థిక నిపుణులు.
రూ.2 వేల నోట్లను రద్దు చేయాలని నిర్ణయించినా ఇప్పటికిప్పుడు వచ్చిన సమస్యేమీ లేదు. సెప్టెంబర్ 30 వరకు ఈ నోట్లు చెల్లుబాటు అవుతాయి. గతంలోలాగే రూ.2 వేల నోట్లను నిరభ్యంతరంగా వాడుకోవచ్చు. అంటే రోజువారీ అవసరాల కోసం నోట్లను ఇవ్వడం, తీసుకోవడం చేయొచ్చు.
