మృగశిర కార్తె వచ్చిందంటే హైదరాబాద్‌ వాసులకు, ఆస్తమా పేషెంట్లకు గుర్తొచ్చేది చేపప్రసాదం. బత్తిని కుటుంబ సభ్యులు పంపిణీ చేసే ఈ చేపప్రసాదం తెలుగు రాష్ట్రాల్లోనే కాదు.. దేశవ్యాప్తంగా కూడా చాలా ఫేమస్‌. శాస్త్రీయ నిర్ధారణ గురించి కాసేపు పక్కన పెడితే.. ఈ చేప మందు వేసుకుంటే ఉబ్బసం వ్యాధి తగ్గుతుందనేది చాలా మంది నమ్మకం.
తెలంగాణలోని నాంపల్లి ఎగ్జిబిషన్ గ్రౌండ్స్ చేప ప్రసాదం పంపిణీ కార్యక్రమానికి వేదిక అయింది. కరోనా మూడేళ్ల సుదీర్థ విరామం తరువాత ఈ బృహత్తర కార్యక్రమానికి శ్రీకారం చుట్టారు. తెలంగాణ పశుసంవర్థకశాఖ మంత్రి తలసాని శ్రీనివాస యాదవ్ ఏర్పాట్లును దగ్గరుండి పర్యవేక్షిస్తున్నారు.
