దేశాన్ని రక్షించాల్సిన సైన్యం దేశ ప్రజల ప్రాణాలు తీస్తోంది. విదేశీ చొరబాట్ల నుంచి రక్షించేందుకు దేశానికి కంచుకోటగా ఉండాల్సిన సైన్యం దేశాన్ని ముక్కలు చేస్తోంది. మిలిటరీ యూనిఫాంలో ఉండి ప్రజలతో సెల్యూట్ కొట్టించుకోవాల్సిన సైనికుడు ఆ దేశ ప్రజల రక్తం కళ్ల చూస్తున్నాడు. ఇంతకు మించిన దాష్టీకం మరొకటి ఉంటుందా ? ఏ సైన్యమైతే తమను రక్షిస్తుందని ప్రజలు భరోసాతో ఉన్నారో అదే సైన్యం తుపాకీ గుళ్లను దించుతుంటే ఇక ఆదేశంలో బతికేదెలా ? మొన్నటికి మొన్న మియన్మార్... కొన్నేళ్ల క్రితం పాకిస్థాన్.. తాజాగా సూడాన్.. మిలటరీ పాలకుల బరితెగించిన అధికార దాహానికి బలైపోతున్నాయి. సూడాన్‌లో రెండు మిలటరీ వర్గాల మధ్య చెలరేగిన అంతర్గత ఘర్షణ చివరకు భారతీయుడి సహా అనేక మంది ప్రాణాలను పొట్టనపెట్టుకుంది.
