అనకాపల్లిలోని అచ్యుతాపురం యూనిట్ 1 లోని ఫార్మా కంపెనీలో మంటలు చెలరేగాయి. కంటైనర్ పేలడంతో ఒక్కసారిగా మంటలు ఉవ్వెత్తున గగనతలంపైకి ఎగిశాయి. దట్టమైన నల్లని పొగ చుట్టు పక్కల ప్రాంతాలను కమ్మేసింది. ఫైరింజన్ సిబ్బంది సంఘటనా స్థలానికి చేరుకొని మంటలను అదుపులోకి తెచ్చేందుకు తీవ్రంగా శ్రమిస్తున్నారు. ఏ మేర ఆస్తినష్టం జరిగిందో తెలియాలంటే పరిస్థితి అదుపులోకి రావాలంటున్నారు ఫార్మాసీ యాజమాన్యం. ఈ మంటల్లో చిక్కుకొని ఇప్పటి వరకూ ఇద్దరు మరణించినట్లు తెలుస్తుంది.
తిరుపతి గోవింద రాజ స్వామి ఆలయం వద్ద తీవ్రమైన మంటలు వ్యాపించాయి. ప్రముఖ లావణ్యాస్ ఫోటో షాపులో షాట్ సర్క్యూట్ కారణంగా ఈ సంఘటన జరిగినట్లు పోలీసులు ప్రాదమికంగా నిర్థారించారు. స్థానిక ఎమ్మెల్యే భూమన కరుణాకర్ రెడ్డి దగ్గరుండి పరిస్థితిని సమీక్షించారు. దాదాపు 10 ఫైరింజన్ల సహాయంతో తీవ్రంగా శ్రమించి మంటలను అదుపులోకి తెచ్చారు. రూ. 5 కోట్ల మేర ఆస్తినష్టం జరిగినట్లు అంచనా వేశారు.
