తెలంగాణ ఆవిర్భావ దినోత్సవం జరుపుకోవడం వెనుక చాలా మంది ప్రాణ త్యాగాలు ఉన్నాయి. వేల మంది అమరవీరులయ్యారు. నాటి తెలంగాణ ఉద్యమ ముఖచిత్రాన్ని ఒక్కసారి నెమరువేసుకుందాం.
ఇది ఎన్నికల సంవత్సరం కావడంతో పార్టీలు పోటీ పడిమరీ తెలంగాణ ఆవిర్భావ వేడుకలు జరుపుతున్నాయి. అధికార బీఆర్ఎస్, బీజేపీ, కాంగ్రెస్ సహా అన్ని పార్టీలు ఈ వేడుకల్ని ప్రతిష్టాత్మకంగా తీసుకున్నాయి. హైదరాబాద్‌లోనే కాకుండా నియోజకవర్గ స్థాయిలోనూ కార్యక్రమాలు నిర్వహించాయి.
గోల్కొండ కోటలో తెలంగాణ ఆవిర్భావ దినోత్సవాన్ని ఘనంగా నిర్వహించారు. కేంద్ర సాంస్కృతిక శాఖా మంత్రి కిషన్ రెడ్డి ఆధ్వర్యంలో ఈ కార్యక్రమాన్ని ఏర్పాటు చేశారు. ఈ వేడుకలో బీజేపీ సీనియర్ నేతలు పాల్గొన్నారు. పలు సాంస్కృతిక కార్యక్రమాలు ప్రత్యేక ఆకర్షణగా నిలిచాయి.
పొత్తులపై తన మనసులో ఏముందో స్పష్టత ఇచ్చేశారు పవన్. ఇప్పటం ఆవిర్భావ సభలో వైసీపీ వ్యతిరేక ఓటు చీలనివ్వబోమని ప్రకటించిన పవన్ సరిగ్గా ఏడాది తర్వాత టీడీపీతో పొత్తు ఉంటుందని స్పష్టమైన సంకేతాలు ఇచ్చారు.
