వైద్యో నారాయణో హరి అని అంటారు. ఈ నానుడిని ఒక ఎమ్మెల్యే నిజం చేశారు. ఎమ్మెల్యే ఏంటి నిజం చేయడం ఏంటి అని ఆశ్చర్యంతో పాటూ వైద్యుని గురించి ముందుగా ఇక్కడ ఎందుకు ప్రస్తావించారు అనే సందేహం కలుగవచ్చు. ఎందుకంటే ఎమ్మెల్యే కంటే ముందు ఆయన వైద్యుడు. అది కూడా ఆర్థోపెడిక్ లో మాస్టర్స్ చేసి ప్రజలకు సేవచేయాలని రాజకీయాల్లోకి వచ్చారు. ఈయన చేసిన సేవ ఇప్పుడు అతని రాజకీయ భవిష్యత్తును మరింత ఉజ్వలంగా వెలిగేందుకు దోహదపడుతుంది అనడంలో ఎలాంటి సందేహం లేదు. ఇంతకూ ఆ ఎమ్మెల్యే ఎవరో.. ఆయన చేసిన సేవ ఏంటో ఇప్పుడు తెలుసుకుందాం.
తిరుమల కలియుగ వైకుంఠంగా భావిస్తారు భక్తులు. ఎన్ని గంటల తరబడి అయినా క్యూలైన్లలో నిలబడి ఎండ, వాన, గాలికి తమ భక్తిని అడ్డుపెట్టి శ్రీవారిని దర్శించుకుంటారు. ఆనంద నిలయంలో అడుగు పెట్టిన వెంటనే అప్పటి వరకూ పడిన శ్రమ మొత్తం మరిచిపోయి మలయప్ప మూలవిరాటును కనురెప్ప వాల్చకుండా చూసి తరిస్తారు.
తిరుమల శ్రీవారి భక్తుల సౌకర్యార్థం ఉచిత ఎలక్ట్రిక్ బస్సులను ఏర్పాటు చేశారు.
