బోర్డర్ గవాస్కర్ ట్రోఫీలో భాగంగా గబ్బా వేదికగా జరుగుతున్న మూడో టెస్టులో భారత్ టాపార్డర్ బ్యాటర్లు చేతులెత్తేశారు. భారీ అంచనాలు పెట్టుకున్న విరాట్ కోహ్లీ మరోసారి నిరాశ పరిచాడు. ఎప్పటిలానే తన బలహీనతకు వికెట్ పారేసుకున్నాడు. దీంతో విరాట్ పై విమర్శలు మొదలయ్యాయి.
భారత టెస్ట్ క్రికెట్ లో మరిచిపోలేని విజయంగా చెప్పుకునే వాటిలో 2021-22 బోర్డర్ గవాస్కర్ ట్రోఫీ సిరీస్ ఖచ్చితంగా ఉంటుంది. తొలి టెస్ట్ కోల్పోయిన టీమిండియా సీనియర్ ప్లేయర్స్ లేకున్నా అద్భుతమైన ఆటతీరుతో సిరీస్ ను కైవసం చేసుకుంది. ముఖ్యంగా గబ్బా వేదికగా జరిగిన టెస్ట్ మ్యాచ్ లో భారత్ గెలుపు చారిత్రాత్మకంగా నిలిచిపోయింది.
