పార్లమెంట్ ఎన్నికల్లో పార్టీ తరపున పోటీ చేయాలనుకునే వాళ్లంతా దరఖాస్తు చేసుకోవచ్చని కాంగ్రెస్ ప్రకటించడంతో ఆశావహులంతా గాంధీభవన్‌కు క్యూ కడుతున్నారు. పార్టీ సీనియర్ నేతల దగ్గర నుంచి టికెట్ ఆశిస్తున్న బయటి వ్యక్తులు కూడా అప్లయ్ చేశారు.
ఇప్పటికే కొత్తగూడెంలో వనమా వెంకటేశ్వర రావు, జలగం వెంకట్రావు మధ్య ఎమ్మెల్యే వార్ నడుస్తోంది. ఈ సమయంలో గడల శ్రీనివాసరావు కూడా తాను కొత్తగూడెం నుంచే పోటీ చేయాలనుకోవడంతో కొత్తగూడెం రాజకీయం కీలక మలుపు తిరగబోతుంది.
