రాజకీయ నాయకుడు కావడం ఈజీనేమో.. కానీ నాయకుడు అవడం మాత్రం కష్టం ! డబ్బులు విసిరేసో.. తాతలు, తండ్రి పేరు చెప్పుకునో లీడర్ అవుదామంటే కుదరదిక్కడ ! జనంలో ఉండాలి.. జనంతో ఉండాలి.. జనంలా ఉండాలి.. కష్టం తెలుసుకోవాలని.. ఓదార్పు ఇవ్వాలి.. భరోసా నింపాలి. అప్పుడే జనం మనసు గెలిచేది.. నిజమైన నాయకుడు అయ్యేది !
కర్ణాటక విజయం.. కాంగ్రెస్‌కు ఎడారిలో ఒయాసిస్‌ కాదు.. ప్రాణం పోసిన అమృతం. కాంగ్రెస్‌ ఇంతే.. కాంగ్రెస్‌లో ఇంతే.. హస్తం పార్టీ పని అయిపోయింది అనుకుంటున్న సమయంలో.. హిమాచల్‌ప్రదేశ్ విజయం ఊపిరిలూదితే.. కర్ణాటక విజయం వెయ్యి వోల్టుల శక్తినిచ్చింది. ఒక్క ముక్కలో చెప్పాలంటే పార్టీకి మళ్లీ ప్రాణం పోసింది.. పరుగుకు వేగం ఇచ్చిందీ విజయం.
