తెలంగాణలో వైఎస్సార్ టీపీ ఉన్నట్టా... లేన్నట్టా... అన్న అనుమానాలు కలుగుతున్నాయి. తెలంగాణలో ఎన్నికల్లో పోటీ చేయడం లేదని ప్రకటించాక... ఆ పార్టీలో చాలామంది కార్యకర్తల దగ్గర నుంచి జిల్లాస్థాయి, రాష్ట్ర స్థాయి నేతల దాకా అందరూ రిజైన్ చేశారు. చివరకు గులాబీ కండువాలు కప్పుకున్నారు. మంత్రి హరీష్ రావు మాత్రం... వైఎస్సార్ టీపీని విలీనం చేయడానికి వచ్చిన లీడర్లకు స్వాగతం అనడం ... ఇప్పుడు పెద్ద చర్చకు దారితీసింది.
అసలు షర్మిలకు వైఎస్సార్టీపీతో సంబంధమే లేదు. ఆమెకు పార్టీ సభ్యత్వమే లేదు. తెలంగాణ ప్రజలను మోసం చేసినందుకు బహిష్కరిస్తున్నాం అంటున్నారు ఆ పార్టీకి చెందిన లీడర్లు. తెలంగాణ ప్రజలను మోసం చేసిన షర్మిల.. ఇక ఆంధ్రాకు వెళ్ళిపోవాలని సలహా ఇస్తున్నారు ఆ పార్టీ సీనియర్ లీడర్ గట్టు రామచంద్రరావు అండ్ అదర్స్.
