భాగ్యనగరం, బంగారు నగరం.. లండన్‌, న్యూయార్క్‌... ఐటీలో దూసుకుపోతోంది, అభివృద్ధికి కేరాఫ్‌గా మారింది.. హైదరాబాద్ గురించి వినిపించే మాటలివి ! ఇంత అభివృద్ధి చెందిన నగరంలో.. రోడ్డు గుంత ఓ ప్రాణం తీయడం ఏంటి.. ప్రపంచం తెలియని ఓ చిన్నారిని బలి తీసుకోవడం ఏంటి.. ఈ దారుణానికి కారణం ప్రభుత్వానిదా, అధికారులదా.. రాజకీయ నాయకులదా.. కాంట్రాక్టులదా.. ఇదే ఇప్పుడు అందరి నుంచి వినిపిస్తున్న ప్రశ్న.
తెలంగాణ వ్యాప్తంగా మూడు రోజులుగా వర్షాలు కురుస్తున్నాయి. హైదరాబాద్‌లో అయితే ఎడతెరిపి లేకుండా వర్షం కురుస్తూనే ఉంది. పలు ప్రాంతాల్లో భారీగా, మరికొన్ని ప్రాంతాల్లో చిరుజల్లులు పడుతున్నాయి. మరో మూడురోజులపాటు హైదరాబాద్‌లో భారీ వర్షాలు కురిసే అవకాశం ఉందని వాతావరణశాఖ హెచ్చరిస్తోంది.
హైదరాబాద్ నగరంలో కురిసిన వర్షానికి నీటి గుంతలు, నాళాలు పొంగి పొర్లుతున్నాయి. దీని కారణంగా మన్న ఒక బాలిక డ్రైనేజి నాళాలో పడి మృతి చెందగా.. నేడు మరో బాలుడు నీటి గుంతలోపడి మరణించాడు.
