మీ ఇంట్లో ఉన్న ఏసీ, వాషింగ్ మిషన్, టీవీ, కూలర్ అన్నీ ఒకేసారి ఆన్ చేశారు. అది కూడా సూర్యుడు నడినెత్తిన ఉన్న సమయంలో. సాధారణంగా అయితే ఏమవుతుంది.. కరెంటు బిల్లు తడిచి మోపెడవుతుంది. ఇంట్లో ఉన్న ఎలక్ర్టిక్ వస్తువులన్నీ ఒకేసారి వాడితే.. కరెంట్ మీటర్ గిర్రును తిరిగిపోతుంది. బిల్లు చూసి గుండె గుబేల్‌మంటుంది. అయితే భవిష్యత్తులో ఇలా జరగకపోవచ్చు. పట్టపగలు ఇన్ని ఎలక్ట్రికల్ వస్తువులను మీరు ఉపయోగించినా అప్పుడు ఖర్చయ్యే కరెంటుకు మీరు సాధారణంగా చెల్లించే దానికంటే 20 శాతం తక్కువే ఉండొచ్చు.. అవును నిజమే.. ఇకపై పవర్ బిల్ టారీఫ్‌లు సమూలంగా మారిపోబోతున్నాయ్.
