తెలంగాణ ఓటరు తీర్పు ఈవీఎంల్లో భద్రంగా ఉంది. ఆదివారం పెట్టెలు తెరవగానే.. ఐమ్యాక్స్‌ రేంజ్‌లో అన్ని పార్టీల సినిమా కనిపిస్తుంది. ఆలోపు ఎవరి ధీమా వారిది. ఎవరి లెక్కలు వారివి. జనం మాకే పట్టం కట్టారన్న ధీమాతో ఉన్నాయి కాంగ్రెస్, బీఆర్ఎస్. ఎగ్జిట్‌ పోల్స్‌ను ఎవరికి వారు తమను అనుకూలంగా విశ్లేషించుకుంటున్నారు. ఈ క్రమంలో హ్యాట్రిక్‌ కొట్టాలన్న ఆశగా ఉన్న బీఆర్ఎస్.. అందుకు తురుపు ముక్కగా జీహెచ్‌ఎంసీని లెక్కేసుకుంటోందట. గ్రేటర్‌తో పాటు ఉమ్మడి రంగారెడ్డి జిల్లాలో ఆధిక్యత సాధిస్తామని.. అదే తమను గెలుపు తీరాలకు చేరుస్తుందని నమ్ముతున్నారట గులాబీ నేతలు.
