అదానీ గ్రూప్‌ టార్గెట్‌గా అమెరికా షార్ట్‌ సెల్లర్‌ సంస్థ హిండెన్బర్గ్ మరో సంచలన రిపోర్ట్‌ విడుదల చేసింది. ఈసారి ఏకంగా సెక్యూరిటీస్ ఎక్స్చేంజ్ బోర్డ్ ఆఫ్ ఇండియా.. సెబీ చైర్ పర్సన్ మాధుబి పురి బచ్‌ని ఈ అంశంలోకి తీసుకొచ్చింది.
హిండెన్బర్గ్ రీసెర్చ్‌ ఓ ఫైనాన్షియల్ టాస్క్‌ఫోర్స్‌.. ప్రముఖ కంపెనీల ఆర్థిక వ్యవహారాలపై కన్నేసి ఉంచుతుంది. మిస్‌మేనేజ్‌మెంట్‌, ఆర్థిక అవకతవకలు, రహస్య లావాదేవీలను పరిశోధించి బయటపెడుతుంది. షార్ట్‌సెల్లింగ్‌కు దిగి ఆ తర్వాత రహస్యాలను బహిర్గతం చేస్తుంది. దీంతో షేరు విలువ పడిపోగానే దాన్ని సొమ్ము చేసుకుంటుంది.
