హోమ్ లోన్‌పై అసలు, వడ్డీపై ఇస్తున్న పన్ను మినహాయింపు పెంచాలని రియల్ ఎస్టేట్ సంస్తలు ప్రభుత్వాన్ని కోరాయి. దీంతో ఈ ప్రోత్సాహం ఇచ్చేందుకు కేంద్రం సిద్ధమైందన్న సంకేతాలు వెలువడుతున్నాయి.
2047 సంవత్సరం కల్లా భారత్ అభివృద్ధి చెందిన దేశంగా అవతరిస్తుందని ప్రధానమంత్రి నరేంద్రమోడీ అంటుంటే.. పరిస్థితులు మాత్రం అందుకు భిన్నంగా కనిపిస్తున్నాయి. తాజాగా ప్రభుత్వరంగ బ్యాంకు స్టేట్ బ్యాంక్ ఆఫ్ ఇండియా (ఎస్బీఐ) విడుదల చేసిన రిపోర్టులో ఇదే విధమైన అంశాలను ప్రస్తావించారు. దేశంలోని ప్రజల పొదుపులు గత ఆర్థిక సంవత్సరం (2022-23)లో సగానికి సగం (55 శాతం) తగ్గి, ఏకంగా 47 ఏళ్ల కనిష్ఠానికి పడిపోయినట్లు ఎస్బీఐ తాజా రీసెర్చ్ రిపోర్టు పేర్కొంది.
