ఫైనల్లో ఏజట్టుకైనా ఉండే ఒత్తిడిని యంగ్ ఇండియా తట్టుకోలేపోయింది. ముఖ్యంగా ఛేజింగ్‌లో అది స్పష్టంగా కనిపించింది. తొలి రెండు ఓవర్లలో కేవలం ఒక పరుగే చేసింది. తర్వాత టాపార్డర్, మిడిలార్డర్ బ్యాటర్లు క్రీజులో నిలవలేకపోయారు.
ఈ మ్యాచ్‌లో ముందుగా బ్యాటింగ్ చేసిన సౌతాఫ్రికా నిర్ణీత 50 ఓవర్లలో 7 వికెట్లకు 244 పరుగులు చేసింది. లక్ష్య చేధనలో భారత్ కు ఆరంభంలోనే షాక్ తగిలింది. టోర్నీ మొదట నుంచీ అదరగొడుతున్న టాపార్డర్ బ్యాటర్లు ఈ మ్యాచ్ లో చేతులెత్తేశారు.
యంగ్ ఇండియా తొలి గ్రూప్‌ మ్యాచ్‌లో ఐర్లాండ్‌పై 201 పరుగుల భారీ తేడాతో గెలుపొందింది. తర్వాత యూఎస్‌ఏను సైతం అదే 201 పరుగుల తేడాతో మట్టికరిపించింది. సూపర్‌ సిక్స్‌ తొలి మ్యాచ్‌లో న్యూజిలాండ్‌పై 214 పరుగుల భారీ తేడాతో గెలుపొందింది.
