పుష్ప సీక్వెల్ పుష్ప రాజ్‌లో అసలు విలన్ కేశవే అంటున్నారు. నిజంగా సినిమాలో హీరోని వెన్నుపోటు పొడిచే ఫ్రెండ్ కేశవే అంటూ అప్పట్లో అంతా అంచనాలు వేశారు. అది నిజమో కాదో తేలాలంటే పుష్ప 2 వచ్చాకే తేలుతుంది.
సినిమాలో కీలక పాత్ర పోషించిన కేశవ రోల్ కోసం ఇప్పుడు మరొకరిని తీసుకోవడం హాట్ టాపిక్‌గా మారింది. పుష్ప పార్ట్ 1లో కేశవ క్యారెక్టర్ సినిమాలో కీ రోల్ పోషించింది. బన్నీకి తోడుగా ఉండటంతో పాటు ఒక తమ్ముడిగా, ఫ్రెండ్‌గా కనిపించాడు.
జూనియర్ ఆర్టిస్టు ఆత్మహత్య కేసులో ఈ నెల 6న జగదీష్‌ను పోలీసులు అరెస్ట్ చేశారు. ఆ మహిళ మరో వ్యక్తితో ఉండగా ఫోటోలు తీసి, బ్లాక్ మెయిల్‌ చేయడంతో ఆమె ఆత్మహత్య చేసుకుంది.
ఓ జూనియర్ ఆర్టిస్ట్‌ని బ్లాక్ మేయిల్ చేసి, తను సూసైడ్ చేసుకునేలా చేసిన జగదీష్ అలియాస్ కేశవ వల్ల పుష్ప 2కి పంచ్ పడేలా ఉంది. ఏదో చిన్న పాత్ర వేశాడా అంటే అదీలేదు. పుష్పకి రైట్ హ్యాండ్‌లా కనిపించిన కేశవ సెకండ్ పార్ట్‌లో కూడా ఇంపార్టెంట్ రోలే వేస్తున్నాడు.
పుష్ప మూవీలో బన్నీకి ఎంత పేరు వచ్చిందో.. బన్ని పక్కన కేశవ అనే ఫ్రెండ్ కేరక్టర్ చేసిన జగదీష్ ప్రతాప్ బండారికి కూడా అంతే పేరు వచ్చింది. ఇప్పుడు ఆ కేశవ పాత్ర చేసిన జగదీష్ అరెస్ట్ కావడం మరో హాట్‌టాపిక్ అయింది. జగదీశ్‌పై పంజాగుట్ట పోలీస్‌ స్టేషన్‌లో కేసు నమోదైంది.
