కాంగ్రెస్ ఎమ్మెల్యే జగ్గారెడ్డి సంచలన కామెంట్స్ చేసారు. బీఆర్ఎస్ పార్టీ సోషల్ మీడియా దండుపాల్యం బ్యాచ్ అయ్యింది అంటూ ఫైర్ అయ్యారు. కేటీఆర్..హరీష్ లకు పిచ్చిపట్టినట్టు ఉంది, అధికారం పోయే సరికి కేటీఆర్..హరీష్ కి మెంటల్ ఎక్కింది అంటూ ఆయన మండిపడ్డారు.
ఉద్యమం కొనసాగుతున్న సమయంలో కోదండరాంను మీరు దేవుడిలా కొలిచారు. తొమ్మిదేళ్లలో కేసీఆర్.. కోదండరామ్‌కు కనీసం అపాయింట్‌మెంట్‌ కూడా ఇవ్వకుండా అవమానించారు. కోదండరామ్‌కు కాంగ్రెస్ పార్టీ ఎమ్మెల్సీగా సముచిత స్థానం కల్పించింది.
9 ఏండ్లలో చేసిన తప్పుల్ని కప్పిపుచ్చుకునేందుకే కేటీఆర్ ఆరోపణలు చేస్తున్నారు. గతం గురించి కేటీఆర్ మాట్లాడితే.. మీ గతం గురించి మాట్లాడాల్సి వస్తోంది చూసుకో. కేటీఆర్.. ఇది పద్ధతి కాదు. కేటీఆర్ తండ్రి కేసీఆర్ యూత్ కాంగ్రెస్ నాయకుడిగా పని చేశారు.
తూర్పు జయప్రకాష్‌రెడ్డి అలియాస్‌ జగ్గారెడ్డి.. కాంగ్రెస్ పార్టీలో ఫైర్ బ్రాండ్ లీడర్. ఆహార్యంతో పాటు రాజకీయ వ్యవహారాల్లో కూడా డిఫరెంట్‌ స్టైల్‌ ఆయనది. మాస్ లీడర్ ఇమేజ్‌ ఉన్న జగ్గారెడ్డి.. సంగారెడ్డి నుంచి మూడుసార్లు ఎమ్మెల్యే అయ్యారు. చివరిగా 2018 ఎన్నికల్లో ఉమ్మడి మెదక్ జిల్లాలో బీఆర్ఎస్ హవాను తట్టుకుని గెలిచిన ఒకే ఒక్క కాంగ్రెస్ ఎమ్మెల్యే ఆయన. కానీ.. 2023 వచ్చేసరికి ఫేట్‌ తిరగబడిపోయింది.
ఇంతింత కాదయా ఇంటిపోరు అన్నట్లుగా ఉంటుంది కాంగ్రెస్‌లో పరిస్థితి. వాళ్లలో వాళ్లు కొట్టుకునే ప్రాసెస్‌లో.. ప్రత్యర్థి మీద యుద్ధాన్ని మర్చిపోతుంటారు. రేవంత్ వర్సెస్ సీనియర్ల వివాదం ఇప్పట్లో కాదు.. ఎప్పటికీ చల్లారదని తేలిపోయింది. అంతా బాగుందనుకునే టైమ్‌లో.. పార్టీలో ఏదొక వివాదం వస్తూనే ఉంది. దీంతో పార్టీ స్ట్రాంగ్ అవడం కష్టం అవుతోంది. రేవంత్ మీద కోపంతో ఈ మధ్యే మహేశ్వర్‌ రడ్డి పార్టీకి దూరం అయ్యారు. ఉత్తమ్‌ కుమార్‌ రెడ్డి అలక పాన్పు ఎక్కారు. ఇద్దరి పంచాయితీ ముగిసేలోపు.. ఇప్పుడు జగ్గారెడ్డి మళ్లీ సీన్‌లోకి వచ్చారు.
