జిల్లాకు చెందిన బీఆర్ఎస్ మాజీ ఎమ్మెల్యే జలగం వెంకట్రావు ఆ పార్టీకి గుడ్ బై చెప్పబోతున్నారు. త్వరలో కాంగ్రెస్‌లో చేరబోతున్నట్లు తెలుస్తోంది. బీఆర్ఎస్‌కు చెందిన జలగం కొంతకాలంగా ఆ పార్టీకి దూరంగా ఉంటున్నారు.
కోర్టు ఉత్తర్వుల ప్రకారం.. వనమా ఎమ్మెల్యే సభ్యత్వం రద్దైనట్లే. అదే కోర్టు ఆదేశం ప్రకారం.. జలగం వెంకట్రావును ఎమ్మెల్యేగా పరిగణించాల్సి ఉంటుంది. అయితే, ఈ విషయంలో అధికార బీఆర్ఎస్, స్పీకర్ ఏ నిర్ణయం తీసుకుంటారన్నది ఆసక్తికరంగా మారింది.
హైకోర్టు ఆదేశాల నేపథ్యంలో జలగం ఈ అంశంపై తెలంగాణ అసెంబ్లీ స్పీకర్‌ను సంప్రదించారు. తనకు ఎమ్మెల్యేగా అవకాశం ఇవ్వాలని కోరారు. వనమా సభ్యత్వాన్ని కోర్టు రద్దు చేసిన అంశాన్ని తెలియజేశారు. దీనిపై స్పీకర్ ఏం స్పందించారు అనే అంశంపై స్పష్టత లేదు.
2018లో వనమా వేంకటేశ్వర రావు కాంగ్రెస్ తరఫున కొత్తగూడెం నుంచి పోటీ చేసి ఎమ్మెల్యేగా గెలిచారు. ఆ తర్వాత ఆయన కాంగ్రెస్ నుంచి బీఆర్ఎస్‌లో చేరారు. ప్రస్తుతం బీఆర్ఎస్ ఎమ్మెల్యేగానే కొనసాగుతున్నారు. అప్పట్లో బీఆర్ఎస్ నుంచి జలగం వెంకట్రావు పోటీ చేసి ఓడిపోయారు.
