చంద్రబాబు ఎప్పటిలాగే కుప్పం నుంచి పోటీ చేస్తున్నారు. పవన్‌ కళ్యాన్‌ తన పార్టీ నుంచి పోటీ చేస్తున్న ఐదుగురు అభ్యర్థుల పేర్లు ప్రకటించారు కానీ.. తాను ఎక్కడి నుంచి పోటీ చేస్తున్నారు అన్న విషయం మాత్రం ప్రకటించలేదు.
ఆంధ్రప్రదేశ్ అసెంబ్లీ ఎన్నికల్లో పోటీ చేసే అభ్యర్థుల మొదటి జాబితాను తెలుగుదేశం రెడీ చేసింది. ఇరవై లేదా పాతిక మంది అభ్యర్థుల పేర్లతో సంక్రాంతి కల్లా లిస్ట్ రిలీజ్ చేస్తారని పార్టీ వర్గాలు చెబుతున్నాయి. నియోజకవర్గాల్లో ఎలాంటి వివాదం లేనివి.. జనసేన లిస్ట్ లో లేని సీట్లను ఎంపిక చేసి అక్కడి టీడీపీ అభ్యర్థులను ప్రకటిస్తారని తెలుస్తోంది.
